Fem frå Dale på trenerkurs

Fem personar frå Dale IL Sykkel gjennomførte i helge trener 1 kurs.

I alt 19 lokale syklistar gjennomførte dette 16 timars kurset i Førde i helga, frå Dale deltok Frode Hellebust, Bjørn Atle Haugsbakk, Ståle Brattelid, Monica Johansen og Bente Liabø Thorsen. Kurset hadde både teoretisk og praktist øving på det å gjennomføre ei treningsøkt for barn og nybyrgjarar, men vekt på praktiske øvingar som stimulerer trygghet på sykkelen og idrettsglede. Pga kulde og vintertilhøve vart kurset gjennomført med offroad sykler, men tema var likevel retta mot landeveg sykling. Deltakarane fekk prøve mange kjekke øvingar, spesielt kjekt var det nok laurdagen då vi var ute og sykla i skogen på Vie. Her var det nok mange som fekk opp auga for terrengsykling, og tilbakemeldingane var at dette var utruleg inspirerande. I tillegg hadde vi ei økt med skruing og mekking på sykkelen og ei økt med alternativ trening inne. Alt i alt ei verdifull helg for klubben vår, håper dette kan bidra til at vi får ny aktivitet i klubben.

ute i skogen.jpg
Her frå skogholtet på Vie der vi fekk prøve oss i terreng.

hopping på sykkel.jpg
Her er Bente i full gang med å prøve å hoppe med sykkelen!

svingteknikk.jpg
Trening på rett svingteknikk!

mekking.jpg
Litt skruing og mekking vart det og tid til. Vi lærde bl. a. å bytte vaier og stille inn gir.
Her er Frode, Bente og Ståle i djup konsentrasjon!

Alt i alt ei interessant helg ilag med mange andre sykkelinteresserte i Sunnfjord.
Dei fleste ser nok fram til trener 2 kurset til våren.