Dale 2 var knusande overlegne i måndagens Dalsfjordoppgjer i 5.divisjon. Heile 8-3 vart sluttresultet. AHIL heldt følgje til pause på stillinga 3-3, men deretter var det jamnt slutt. Utover i 2.omgang var det stort sett spel mot eit mål og med litt betre utteljing på sjansane kunne dette fort ha blitt tosifra.
Dale 2 gjennomførte ein god kamp og med ei lett blanding av rutine og ungdommeleg pågangsmot var vi fleire hakk betre enn grøntrøyene frå nordsida av Dalsfjorden.
Målscorarar var Kristian Ask (3), Einar Aase (2), Stian Neset (2) og Martin Christiansen.
Vi vil gje ros til Anja Amundsen som stilte opp som dommar på kort varsel då den oppsette dommaren ikkje dukka opp. Anja gjennomførte ein solid kamp!
Lagoppstilling:
Vegard Ulvik, Alexander Myklebust, Geir Harald Langeland, Hugo Fretland, Martin Myklebust, Idar Haugen Rochlenge, Jostein Vagstad, Kristian Aase, Kristian Ask, Einar Aase, Stian Neset
Innbyttarar:
Joakim Rakneberg, Vegard Vesterås, Martin Christiansen, Henrik Kummeneje