Det vart tap 3-0 for divisjonskollega Arna Bjørnar på ei strøken grasmatte på Arna stadion fredag kveld. Stillinga ved pause var 2-0.
Arna Bjørnar ligg på 5.plass i 3.divisjon i Hordaland og var som venta eit godt lag, omtrent på nivå med topplaga i vår avdeling.
Dette vart difor ei god gjennomkøyring før haustsesongen og også ein peikepinn på kva nivå ein kan forvente i den nye 3.divisjon.
Bortsett frå det siste kvarteret i første omgang var kampen relativt jamnspela. I den perioden sleit vi fælt og kunne fort fått fleire enn to mål i mot. Resten av kampen hang vi godt med både spelemessig og sjansemessig. Så lenge det i treningskampar meir enn seriekampar er lov å «sjå bak resultata» seier vi oss nokonlunde nøgde med denne kampen, men vi burde absolutt ikkje gått mållause av bana etter eit par gigantiske sjansar.
Lagoppstilling:
Knut Strand Løseth, Alexander Myklebust, Anders Furset, Erlend Osland, Geir Loneland, Idar Haugen Rochlenge, Martin Tonning, Kristian Aase, Tor Ivar Aase Dale, Vegard Dyrstad, Einar Furset
Innbyttarar:
Magne Hillersøy (for Tor Ivar i 60. min), Kennet Vik (for Geir i 65 min.), Ashab Muskadzjijev (for Martin i 65. min.), Martin Myklebust (for Erlend i 70. min)